«Սասնա ծռերի» գործով դատական նիստին, այսօր՝ հունիսի 14-ին, «Սասնա ծռերի» անդամ Արթուր Սողոմոնյանի խափանման միջոցը փոխելու միջնորդություն պաշտպանը ներկայացրեց դատարանին։
NEWS.am-ի թղթակիցը հաղորդում է, որ պաշտպանն իր խոսքում նշեց, որ Արթուր Սողոմոնյանն ունի առողջական խնդիրներ որոնք չի կարող լուծել անազատության մեջ գտնվելով։ Դատախազ Արթուր Չախոյանը չառարկեց միջնորդությանը։
Գործով ամբաստանյալ Կարո Եղնուկյանն էլ դիմեց դատարանին, որպեսզի Արթուր Սողոմոնյանի խափանման միջոցը փոխվի՝ վստահեցնելով որ սպիտակցիները ազատության մեջ գտնվելով միասին պարտաճանաչ կներկայանան դատական նիստերին։
Դատավոր Արտուշ Գաբրիելյանը հեռացավ խորհրդակցական սենյակ՝ որոշում կայացնելու: