News
Լրահոս
News
Չորեքշաբթի
Հունիս 26
USD
477.33
EUR
542.2
RUB
7.56
ME-USD
0.16
Տեսնել լրահոսը

Գեղեցիկը եւ արվեստը կարող են լինել ամեն ինչում, այդ թվում նաեւ՝ կենցաղում, աշխատանքում, անձնական օգտագործման իրերում եւ այլն: Հենց դա էլ մեզ մտադիր են ապացուցել Հայաստանի, Ռուսաստանի եւ Ուկրաինայի դիզայներները, որոնք մասնակցում են Երեւանում արդյունաբերական դիզայնի առաջին ցուցահանդեսին:

«Ժամանակակից դիզայնի իրադարձությունները» խորագրով ցուցահանդեսը կբացվի հունիսի 15-ին՝ ժամը 19.00-ին, ՀՀ կառավարության շենքի 2-րդ մասնաշենքում (Արտաքին գործերի նախարարության նախկին շենք) եւ կտեւի մինչեւ հունիսի 24-ը: Այն կներկայացնի 18 դիզայներների աշխատանքները, որոնք մտադիր են մեկ համատեղ հարթակում կիսվել ժամանակակից դիզայնի իրենց տեսլականով: Ներկայացվելու է 40 դիզայներական արդյունաբերական ապրանք:

«Ցուցահանդեսի նպատակն է ներկայացնել Հայաստանի արդյունաբերական դիզայնի զարգացման ներուժը եւ մարդկանց, որոնք շահագրգռված են այս ուղղության զարգացմամբ: Ներկայումս մենք արդյունաբերական դիզայնի շատ մասնագետներ չունենք, որոնք համագործակցում են շինարարական ընկերությունների, գործարանների հետ: Ցուցահանդեսի կազմակերպիչները ձգտում են Հայաստանում դաշտ ստեղծել դիզայնի ընկալման եւ սպառման համար»,- հունիսի 14-ին լրագրողների հետ հանդիպման ժամանակ նշեց ցուցահանդեսի համադրող Էմմա Հարությունյանը:

Նրա խոսքով՝ ցուցահանդեսի մասնակիցները շատ հետաքրքիր մարդիկ են, որոնք կարող են նոր ուղղություններ բացել մեզ համար արդյունաբերական դիզայնում եւ հաջողված ծրագրեր ունեն: Ցուցահանդեսին հրավիրվել են նաեւ դիզայներներ, որոնք ավելի վաղ ներկայացրել են իրենց աշխատանքները Փարիզում եւ Միլանում:

«Հայտնի հայ դիզայներների, ճարտարապետների եւ օտարերկրյա մասնագետների հանդիպման նպատակը դիզայնի իրական և արագ զարգացող միջազգային պլատֆորմի ստեղծումն է, երիտասարդ եւ իրենց լավ երաշխավորած մասնագետներին խթան հաղորդելը՝ Հայաստանում արդյունաբերական դիզայնի զարգացման համար: Մենք նաեւ դաշտ ենք ստեղծում դիզայներների, բիզնեսի ու արդյունաբերության միջեւ համագործակցության համար», - ասաց ցուցահանդեսի համադրողը:

Նա նաեւ հավելեց, որ ներկայացված աշխատանքները արտացոլում են ժամանակակից դիզայնի միտումները՝ տեխնոլոգիաներ եւ դիզայն, պարամետրիկ ձեւեր, դիզայն եւ արհեստներ, ժամանակակից դիզայնի միջոցով ավանդույթների վերադարձ, նյութի կրկնակի կամ նորարարական օգտագործում, կահույք-կոնստրուկտորներ եւ այլ դիզայներական առարկաներ եւ կոնցեպտներ: «Առարկաները ֆունկցիոնալ են, սակայն նախատեսված են ոչ միայն սպառման, այլեւ գեղագիտական եւ գեղարվեստական ընկալման համար», - եզրափակեց Էմմա Հարությունյանը:

Ցուցահանդեսի հովանավորն է Հայաստանում փոքր եւ միջին բիզնեսի աջակցության ծրագիրը, որը ֆինանսավորվում է Եվրոպական միության եւ Գերմանիայի տնտեսական համագործակցության եւ զարգացման նախարարության կողմից:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԾԿՀ-ն իր նիստում որոշեց նախազգուշացնել «Վեոլիա Ջուր» ՓԲԸ-ին
Հարկ է նշել, որ վերոնշյալ խախտումները վերաբերում են երրորդ կողմի ֆինանսավորմամբ ներդրումային ծրագրերի շրջանակում իրականացվող նոր համակարգերի կառուցման աշխատանքներին…
«Երեւանտրանս»-ը եւ «Ձեւավորում»-ը ազատվեցին Երեւանի բյուջե շահաբաժիններ չվճարելու համար տոկոսների վճարումից
Վիճակը վատ կառավարման հետեւանք է, դրա համար նոր քաղաքապետի առաջին քայլերից մեկը այդ ընկերությունների ղեկավար կազմի փոփոխությունն է եղել...
«Լիդիան Արմենիա»-ն նոր հայցադիմում է ներկայացրել ոստիկանության դեմ
Լիդիանը համարում է, որ ոստիկանությունը չի իրականացրել դատարանի վճռով սահմանված իր պարտականությունները...
«Փաստ». Գույքահարկը զգալիորեն կբարձրանա. ում վրա է տարածվելու
Այստեղ հարկ է նշել, որ գույքահարկի բարձրացումն ազդելու է նաեւ գործարար հատվածի վրա...
«Ժամանակ». Նոր փոփոխություն. Ինչպես է տրվելու վարորդական իրավունքի վկայականը
Այսպես կոչված, ավտոդպրոցները պետք է լիցենզավորվեն...
Դոլարի փոխարժեքը նվազել է. եվրոն էժանացել է ավելի քան մեկ դրամով
Թանկարժեք մետաղների համար բանկի կողմից սահմանվել են հետեւյալ գները...