Սփյուռքի նախարարի կողմից դիմում է եղել, և այդ դիմումի հիման վրա մենք ուսումնասիրություններ ենք անցկացնում, մնացածի մասին ձեզ կտեղեկացնենք: Այս մասին կառավարության նիստից առաջ լրագրողների հետ ճեպազրույցում ասաց Պետական վերահսկողական ծառայության ղեկավար Դավիթ Սանասարյանը:
«Ես ասել եմ, որ ասուլիսի ընթացքում կխոսեմ: Ինչո՞ւ է ասուլիսն ուշանում. խնդիրը հետևյալն է՝ կանոնադրությունն ու կառուցվածքի հարցերն արդեն պետռեգիստրում են, առաջիկա օրերին մենք դա կունենանք և արդեն լիարժեք կմտնենք մեր գործունեության մեջ»- ասաց Դավիթ Սանասարյանը:
Պետական վերահսկողական ծառայության ղեկավարը նաև նշեց, որ իրենք ուսումնասիրություններ են անցկացնում տարբեր գերատեսչություններում, որոնք ներկայացվելու են վարչապետին եւ հավելեց, որ ուսումնասիրությունը ենթադրում է նաև աուդիտ:
