Հռոմի պապ Ֆրանցիսկոսը դատապարտել է աբորտները՝ դրանք համեմատելով եվգենիկայի հետ, որը կիրառում էր նացիստական Գերմանիան, հայտնում է ՌԻԱ Նովոստին։
«Անցած դարում ամբողջ աշխարհը ցնցվել էր նրանով, ինչ անում էին նացիստները, ռասսան մաքրելու համար։ Այսօր մենք նույն բանն ենք անում, բայց սպիտակ ձեռնոցով»,- հայտնել է Հռոմի պապ Ֆրանցիսկոսը Իտալիայում Ընտանեկան ֆորումի ժամանակ։
Ֆորումի ժամանակ Հռոմի պապը նաև կոչ է արել երեխաներին ընդունել այնպիսին, ինչպիսին «Աստված է նրանց տալիս մեզ»։
Այս պահին աբորտների արգելք են պահանջում տարբեր հավատքների գործիչներ, այդ հարցում հատկապես կոշտ է կաթոլիկ հոգևորականների դիրքորոշումը։ Եվրոպայի երկու պետություններում՝ Վատիկանում ու Մալթայում, աբորտներն ամբողջովին արգելված են։
