Հանքարդյունաբերական ընկեությունների «ԳեոՊրոՄայնինգ» միջազգային դիվերսիֆիկացված խումբը (GPM կամ Ընկերություն) մայիսի 22-ից հունիսի 19-ը Սոթքի հանքին մոտ գտնվող գյուղերի բնակիչների համար անվճար բուժզննում էր կազմակերպել:
Հայ-կանադական «Maple Leafs» բժշկական կլինիկայի հետ համագործակցությամբ «ԳեոՊրոՄայնինգը» Գեղարքունիքի մարզի Սոթք գյուղի բնակիչներին, որտեղ ընկերությունն իրականացվում է հանքարդյունահանման աշխատանքները, հնարավորություն տվեց անվճար բուժզննում անցնել տեղի բուժամբուլատորիայում։
Ակցիայի շրջանակում բուժզննման հնարավորություն ստացան նաեւ հանքին մոտ գտնվող համայնքների բնակիչները։
Ընկերությունը մտադիր է դիտարկել նաեւ այն հնարավորությունը, որպեսզի, անհրաժեշտության դեպքում, տրամադրվի դեղորայքային օգնություն:
«Հիվանդությունների դիագնոստիկայի անցկացման եւ խորհրդատվության տրամադրման շատ մեծ անհրաժեշտություն կար: Հունիսի 19-ից հետո մենք կամփոփենք հետազոտությունների արդյունքները, իսկ ապագայում նաեւ կհետեւենք այն հիվանդների բուժման ընթացքին, որոնց հետազոտությունների արդյունքները այս կամ այն չափով նորմայից շեղված են եղել: Ցանկանում եմ նշել նաեւ, որ Սոթքի հանքի աշխատանքի հետ կապված հիվանդություններ չեն հայտնաբերվել»,- նշեց «ԳեոՊրոՄայնինգ գոլդ» ՍՊԸ Գլխավոր էկոլոգ Անուշ Գեւորգյանը:
«ԳեոՊրոՄայնինգ» ընկերությունը հիմնադրվել է 2011 թվականին, որը ոսկու եւ այլ մետաղների դիվերսիֆիկացված ռեսուրսային բազա ունեցող միջազգային մասնավոր ընկերություն է: «ԳեոՊրոՄայնինգ»-ի ընկերությունները գտնվում են Ռուսաստանում եւ Հայաստանում: Հայաստանում «ԳեոՊրոՄայնինգ»-ին են պատկանում երկու ձեռնարկություն՝ Ագարակի պղնձա-մոլիբդենային կոմբինատը (ԱՊՄԿ) եւ «ԳեոՊրոՄայնինգ գոլդ» ընկերությունը, որը մշակում է Սոթքի ոսկու հանքը եւ որին պատկանում է Արարատի ոսկու կորզման ֆաբրիկան։
Ընկերության սոցիալական ներդրումները Հայաստանում վերջին 10 տարիների ընթացքում գերազանցում են 8 միլիոն ԱՄՆ դոլարը: