Netflix  ընկերության հասարակայնության հետ կապերի բաժնի ղեկավար Ջոնաթան Ֆրիդլանդը աշխատանքից հեռացվել է այն բանից հետո, երբ վիրավորական ոճով է արտահայտվել սևամորթների մասին։ Այս մասին հայտնում է ՏԱՍՍ-ը՝ վկայակոչելով The Hollywood Reporter ամսագիրը։

Ինչպես հետևում է ընկերության ծառայողական գրառումից, որը հրապարակել է ամսագիրը, Ֆրիդլանդը մի քանի անգամ ոչ կոռեկտ է արտահայտվել մյուս աշխատակիցների ներկայությամբ։ Եվ այսպես, նրանց հետ զրույցի ժամանակ նա օգտագործել է ԱՄՆ-ում ոչ կոռեկտ համարվող արտահայտություններ, ինչը «ցույց է տվել նրա ցածր իրազեկումն ու անուշադիր վերաբերմունքը ռասսայական փոխհարաբերությունների խնդիրների հանդեպ, իսկ դա չի համապատասխանում ընկերության արժեքներին»։

Ֆրիդլանդը, որը յոթ տարի աշխատել է  Netflix-ում, ընդունել է, որ ոչ կոռեկտ արտահայտություններ է թույլ տվել, երբ իր աշխատակիցների հետ խոսում էր կատակերգական ֆիլմերում վիրավորական բառերի թեմայով ու ասել է, որ զղջում է այդ միջադեպի կապակցությամբ։