Կալիֆորնիայում արջը մտել է տեղի բնակիչներից մեկի տան ետնամաս, լողացել է ջակուզիի մեջ եւ խմել է «Մարգարիտա» կոկտեյլը, հաղորդում է «ՌԻԱ Նովոստի»-ն՝ վկայակոչելով The Sacramento Bee-ն:
Մարկ Հոֆ անունով տղամարդու խոսքով՝ ուրբաթ ցերեկը նա կոտրվող ճյուղերի եւ տերեւների խշոց էր լսել, սակայն սկզբում ուշադրություն չի դարձրել: Ապա ձայները սաստկացել են, եւ նա դուրս է եկել տնից: Հոֆը տեսել է, թե ինչպես է արջն անցնում պարսպի վրայով: Տղամարդը տուն է մտել սակայն ավելի ուշ տեսել է, թե ինչպես է կենդանին «հիանալի ժամանակ անցկացնում ջակուզիի մեջ»: Մի քանի րոպե անց կենդանին դուրս է եկել ջրից, վերցրել «Մարգարիտա» կոկտեյլը եւ «ագահորեն» խմել այնԼ