Իրանի նախագահ Հասան Ռոհանին Միացյալ Նահանգներին եւ Իսրայելին մեղադրել է ԻՊ-ին աջակցելու համար, փոխանցում է «ՌԻԱ Նովոստի»-ն:
«Երկու երկրներին հետարքրում է նաեւ սիրիական թեման, մենք այն նույնպես քննարկել ենք: Սիրիայում մեր գլխավոր խնդիրը ԻՊ-ին եւ մյուս ահաբեկիչներին լուրջ հարված հասցնելն էր: Մենք կարողացանք ԻՊ-ին հաղթել, չնայած ԱՄՆ-ի եւ Իսրայելի կողմից նրանց աջակցությանը»,- Վիեննայում հայտարարել է Ռոհանին Ավստրիայի կանցլերի հետ համատեղ մամուլի ասուլիսում:
Իրանի նախագահն անդրադարձել է նաեւ միջուկային գործարքից դուրս գալուց հետո ԱՄՆ գործողություններին՝ նշելով, որ Վաշինգթոնը վնաս է հասցրել ինքն իրեն, իսկ ինքնին գործարքից դուրս գալը ոչ մեկի համար օգտակար չի եղել: Ռոհանիի խոսքով՝ Վիեննան եւ Թեհրանը համաձայն են պայմանավորվածությունները պահպանելու անհրաժեշտության հարցում: