Իրանը Սիրիայից դուրս կբերի Իսլամական հեղափոխության պահապանների կորպուսի (ԻՀՊԿ) սպաների մի մասին՝ Իսրայելի հնարավոր հարձակման պատճառով։ Այս մասին գրում է The Wall Street Journal (WSJ) պարբերականը։

Սիրիական հետախուզական ծառայություններում պարբերականի զրուցակիցների խոսքով, Իսլամական հեղափոխության պահապանների կորպուսը դուրս է բերել արաբական հանրապետությունից միայն բարձրաստիճան զինվորական խորհրդատուներին, իսկ միջին օղակի սպաները կմնան երկրում, բայց կփոխեն իրենց գտնվելու վայրը։

Պարբերականը նշում է, որ իրանական զորքերը շարժվում են գիշերը, երբ իսրայելական հարվածներն առավել հավանական են։ Պարբերականը պնդում է, որ Սիրիայում իր սպաների ներկայությունը կրճատում է նաեւ լիբանանյան շիական «Հեզբոլլահ» կուսակցությունը, որը համարվում է Թեհրանի տարածաշրջանային դաշնակիցը։

Նյութի հեղինակները մեջբերում են նաեւ մի շարք ռազմական վերլուծաբանների խոսքերը. Նրանց կարծիքով, ապրիլի 13-ի լույս 14-ի գիշերը Իրանի հարվածն Իսրայելին մեծացրել է իսրայելական պատասխանի և երկրների միջև բռնության հետագա սրման վտանգը։