Այսօր՝ հուլիսի 10-ի առավոտյան, ոստիկանությունը ազատել է Մայր Աթոռ Սուրբ Էջմիածնի Դիվանատան տարածքը՝ այնտեղ գտնվող «Նոր Հայաստան, նոր Հայրապետ» նախաձեռնության անդամներից։
Նախաձեռնության անդամները հրաժարվում էին հեռանալ, քանի դեռ Ամենայն Հայոց կաթողիկոսը Գարեգին Բ-ն հրաժարական չի ներկայացրել։
Ոստիկանությունը նաեւ ազատեց տարածքը վրաններից եւ ցուցարարների այլ իրերից։
«Նոր Հայաստան, նոր Հայրապետ» նախաձեռնության համակարգող Կարեն Պետրոսյանը հայտարարեց, որ իրենք կտեղափոխվեն Մայր Աթոռ և չեն պատրաստվում հեռանալ։
Ակցիայի մասնակիցներից մեկը հայտարարեց. «Եթե այս ամենի հետեւում Նիկոլ Փաշինյանն է կանգնած, նա մեծ սխալ է գործում: կոչ եմ անում դատապարտել այս այս բռնարարքը»:
Ավելի վաղ Մայր Աթոռ Ս. Էջմիածնի դիվանապետ Տ. Արշակ եպիսկոպոս Խաչատրյանը հայտարարել էր, որ Դիվանատանը տեղի ունեցածը գնահատում են որպես հարձակում եկեղեցու վրա։
