Բաղրամյան փողոցում՝ վարչապետի նստավայրի մոտ այսօր՝ հուլիսի 10–ին, մի քաղաքացի փորձել է ինքնահրկիզվել։
Նա բենզին է լցրել վրան, ապա սպառնացել՝ հրկիզել իրեն, սակայն նրան են մոտեցել տեղում ծառայություն իրականացնող ոստիկանները եւ կանխել։ Ոստիկանները շտապօգնություն են կանչել, տեղում քաղաքացուն բուժօգնություն ցուցաբերել։
Մեզ հաջողվեց պարզել, որ նա Երեւանի բնակիչ է, 37 տարեկան։ Վերջինս բնակարանի սեփականության իրավունքի հետ կապված խնդիր է ունեցել եւ դժգոհել անարդարությունից։ Ոստիկանության լրատվական ծառայությունից NEWS.am–ին հայտնել են, որ Արաբկիրի բաժնում նյութեր են նախապատրաստվում հանգամանքներն ուսումնասիրելու համար։
