Ֆրանսիական նավթային «Տոտալ» ընկերության գխավոր տնօրեն Պատրիկ Պույաննեն հայտնել է այն մասին, որ ընկերությունը ստիպված է լքել Իրանը, քանի որ չի կարողացել հասնել նրան, որ ԱՄՆ-ն չեղարկի պատժամիջոցները։
Այդ կապակցությամբ «Տոտալը» լքում է իրանական «Հարավային Պարս» գազի հանքավայրը։
«Այլ ելք չկա, քան դուրս գալ Իրանի շահավետ նախագծից»,- նշել է նա՝ հավելելով, որ անհնար է աշխատել 130 երկրներում առանց ԱՄՆ ֆինանսական համակարգին մուտք գործելու հնարավորության։ «Դրա համար էլ մենք հետևում ենք ԱՄՆ օրենքներին ու ստիպված ենք լքել Իրանի շահավետ շուկան»։
Նրա խոսքով՝ «Տոտալ» ընկերության կորուստները՝ նախագծից դուրս գալու հետևանքով կազմել են 40 միլիոն դոլար։ Նա հույս է հայտնել, որ ընկերությունը մի գեղեցիկ օր կկարողանա վերադառնալ Իրան։ «Total—ի նման ընկերության համար, որը տարեկան 15 մլրդ դոլար է ներդնում, 40 մլն դոլարի կորուստը չնչին է»։
