News
Լրահոս
News
Հինգշաբթի
Հոկտեմբեր 18
Տեսնել լրահոսը

ՀՀ ոստիկանության ներքին աուդիտի վարչության կողմից ոստիկանության ՊՊԳՎ Իջեւանի պահպանության բաժնում, Տավուշի եւ Դիլիջանի պահպանության բաժանմունքներում իրականացված աուդիտների ընթացքում արձանագրված ֆինանսական խախտումների փաստերով ոստիկանության ներքին անվտանգության վարչությունում կատարված ծառայողական քննությամբ պարզվել է, որ Իջեւանի պահպանության բաժնի նախկին հաշվապահի կողմից նույն բաժնի նախկին պետին եւ մի քանի ծառայողների, որոշակի ժամանակահատվածում, ոստիկանության ՊՊԳՎ արտաբյուջետային միջոցներից ընդհանուր 38.493.681 դրամ ավելի գումարներ են վճարվել եւ յուրացվել։

Դրանց մի մասը վերականգնվել է աուդիտի, իսկ մյուս մասը՝ ծառայողական քննության ընթացքում։

Բացի այդ, ինչպես հայտնում են ոստիկանությունից, Դիլիջանի պահպանության բաժանմունքի հաշվապահի պարտականությունները ժամանակավոր կատարելիս Իջեւանի պահպանության բաժնի նախկին հաշվապահը 2017 թվականի մայիս-օգոստոս ամիսներին իրեն ավելի է վճարել 4.522.448 դրամ, որը վերականգնվել է ամբողջությամբ։

Տավուշի պահպանության բաժանմունքի նախկին հաշվապահը 2016 թվականի եւ 2017 թվականի հունվար-նոյեմբեր ամիսների ընթացքում իր աշխատավարձի հաշվեհամարին ավելի է վճարել ընդհանուր 380.857 դրամ, որը հետագայում վերականգնվել է ամբողջությամբ։ Ընդհանուր վերականգնված գումարը կազմում է 43.396.986 դրամ։ 

Նկատի ունենալով այն հանգամանքը, որ ոստիկանության ներքին անվտանգության վարչությունում ծառայողական քննությամբ բավարար փաստական տվյալներ են ձեռք բերվել վերը նշված գումարները յուրացման միջոցով հափշտակելու եւ պետական հատուկ ծառայություն իրականացնող պաշտոնատար անձանց արարքներում առերեւույթ հանցագործության հատկանիշների առկայության վերաբերյալ, ծառայողական քննության նյութերն ուղարկվել են ՀՀ հատուկ քննչական ծառայություն՝ նրանց արարքներին քրեաիրավական գնահատական տալու համար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Օշականցի Թովմասյան եղբայրները դաժան ծեծի են ենթարկել Ոսկեվազի 46-ամյա բնակչին. Պատճառը հայտնի է
Ոսկեվազի բնակչին ծանր մարմնական վնաս պատճառելու համար մեղադրանք է առաջադրվել...
Մեկ օրում բացահայտվել է հանցագործության 44 դեպք. ապօրինի վարձատրություն, իշխանության ներկայացուցչի նկատմամբ բռնություն
Անցած 1 օրվա ընթացքում հանրապետությունում արձանագրվել է ճանապարհատրանսպորտային 31 պատահար, ինչի հետեւանքով 1 մարդ զոհվել է, 43-ը՝ ստացել տարբեր աստիճանի մարմնական վնասվածքներ...
Խոշոր ավտովթար Արարատում․ բախվել են Toyota Camry-ն եւ Opel-ը․ կա վիրավոր (ֆոտո)
ժամը 12։30-ի սահմաններում Բերքանուշ գյուղի Արտաշատյան խճուղի փողոցի սկզբնամասում բախվել են...
Խոշոր վթար Արարատում․ բախվել են Mercedes-ն ու Opel-ը. 6 վիրավորներից 5-ը ընտանիքի անդամներ են, այդ թվում՝ երեխաներ
Աղբյուրի տեղեկություններով՝ Opel-ի վարորդ Կարեն Բ.-ն ծառայում է ՀՀ ՊՆ N զորամասում, իսկ 5 վիրավորները նրա ընտանիքի անդամներից են...
Ընտրակաշառք տալու համար հետախուզվող Ռուզաննան ներկայացել է բաժին
Նա հոկտեմբերի 17-ից հետախուզվում էր ՀՀ քրեական օրենսգրքի 154.2 հոդվածի...
Սոթքի ոսկու հանքում բախվել են Lexus-ն ու ГАЗ 2410-ը. կան վիրավորներ (ֆոտո)
Գեղարքունիքի մարզի «Սոթքի ոսկու հանքի» վարչական տարածքում...
Ամենաշատ
Partner news