News
Լրահոս
News
Երեքշաբթի
Մայիս 21
Տեսնել լրահոսը


ԱԺ-ում Ընտրական օրենսգրքի փոփոխությունների հարցով աշխատանքային խմբում կրկին լարվածություն առաջացավ խորհրդարանական ուժերի ներկայացուցիչների եւ վարչապետին կից ընտրական հանձնաժողովի քարտուղար Դանիել Իոաննիսյանի միջեւ:

Նախ ՀՅԴ խմբակցության ղեկավար Արմեն Ռուստամյանն ասաց. «Որպեսզի հասկանանք կառավարության հետ կոմպրոմիս հնարավոր է, թե ոչ, պետք է հասկանանք, մենք թույլ տալի՞ս ենք, որ ընտրողը մասնակցի մանդատների բաշխմանը. եթե թույլ չենք տալիս՝ փակ ցանկ է, եթե թույլ ենք տալիս, ապա այս կամ այն մոդելով բաց մոդել է: Եթե այս հարցում ընդհանուր եզրեր չունենք կառավարության հանձնաժողովի հետ, եւ նրանք խպնդում են փակ ցուցակը, քննարկելու բան չի մնում: Եթե իրենք ասում են, որ ընտրողները չպետք է միջամտեն մանդատների բաշխմանը թեկնածուների միջեւ, հատումը զրոյական է»:

Դաինել Իոաննիսյանը հիշեցրեց կառավարության ծրագիրը, որտեղ գրված է, որ պետք է հրաժարվել ռեյտինգային ընտրակարգից. «ՀՅԴ-ի առաջարկածը՝ բաց ցուցակներով համամասնականը, ռեյտինգայինի տարատեսակ է: Այո, ես անձամբ կարծում եմ, որ ՀՅԴ-ի առաջարկած տարբերակը հակասում է կառավարության ծրագրին»:

Նիստը վարող, «Ծառուկյան» խմբակցության պատգամավոր Նաիրա Զոհրաբյանն էլ եզրակացրեց. «Մեզ պարզ է կառավարության մոտեցումը՝ բաց ցուցակի որեւէ մոդիֆիկացիա քննարկման ենթակա չէ»:

ՀՀԿ-ից Արփինե Հովհաննիսյանն էլ հարց ողղեց. «Պարոն Իոաննիսյան, ռեյտինգային ասելով դուք հասկանում եք տեսական գրականության մեջ եղած սահմանո՞ւմը, թե այն, ինչը դուք եք հասկանում ռեյտինգային ասելով»:

Իոաննիսյանն արձագանքեց. «Կարեւոր չէ, թե ես ինչ եմ հասկանում, ռեյտինգային ընտրակարգն արգելող դրույթը գրված է կառավարության ծրագրում եւ եթե ձեզ համար հասկանալի չէ, թե կառավարության ծրագրի այս կամ այն եզրույթը ինչ է նշանակում, կարծում եմ՝ կարելի էր դա այն ժամանակ հարցնել: Ես կառավարության ծրագիրը չեմ ներկայացնում»:

Արմեն Ռուստամյանն էլ ասաց, որ եթե շատ լայն մոտենանք, ապա փակ ցուցակներով համամասնականն էլ է ռեյտինգային, քանի որ ռեյտինգավորում ենք կուսակցություններին. «Խոսքը երկու մոտեցումները համաձայնեցնելու մասին է»:

Ի վերջո, որոշում կայացվեց, որ խորհրդարանական ուժերը ի մի կբերեն իրենց մոտեցումները, եւ իրենց առաջարկվող մոդելը կներկայացնեն կառավարության հանձնաժողովին:

Տպել
Կարդացեք նաև
Ամբողջը
Նոր Նորքի նախկին թաղապետ Արմեն Ուլիխանյանը ԱԺ ընտրությունների ժամանակ ընտրակաշառք է բաժանել՝ իր թեկնածու եղբոր համար
Նյութերի նախապատրաստման ընթացքում պարզվել է, որ հիշյալ պաշտոնատար անձինք մի խումբ անձանց տվել են 10․000 դրամ ընտրակաշառք...
Արարատի մարզի Արեւաբույր համայնքի ավագանու արտահերթ ընտրությունը տեղի կունենա սեպտեմբերի 29-ին
Ավագանու անդամներ Արա Մարգարյանը եւ Նարեկ Ասլանյանը ս.թ. փետրվարի 19-ին հրաժարականների դիմումներ են ներկայացրել...
Արմավիրի Եղեգնուտ համայնքի ավագանու արտահերթ ընտրությունների օրը հայտնի է
Հայաստանի կառավարությունն իր այսօրվա՝ մայիսի 10-ի նիստում որոշեց...
Արմավիրի մարզի Ապագա եւ Վարդանաշեն համայնքներում արտահերթ ընտրություններ կանցկացվեն հունիսի 9-ին
Ապագա համայնքի ղեկավար Արտաշես Բարսեղյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում…
Հունիսի 9-ին Լոռու մարզի երկու գյուղերում ընտրություններ կանցկացվեն
Մեկ այլ որոշմամբ նույն օրը արտահերթ ընտրություններ կանցկացվեն նաեւ Լոռու մարզի Լեռնավանի համայնքում, սակայն այս դեպքում կլինի միայն ավագանու ընտրություն...
Սյունիքի Գորայք համայնքը չունի ոչ գյուղապետ, ոչ ավագանի. ընտրությունները կկայանան հունիսի 9-ին
Գորայք համայնքի ավագանու մնացած անդամները ս.թ. մարտի 1-ին կազմել են Գորայք համայնքի ավագանու լիազորությունները վաղաժամկետ դադարեցման վերաբերյալ արձանագրություն...