News
Լրահոս
News
Երեքշաբթի
Մարտ 19
Տեսնել լրահոսը

ՀՀ կրթության եւ գիտության նախարար Արայիկ Հարությունյանն ընդունել է Հայաստանում Եվրոպական Միության պատվիրակության ղեկավար, դեսպան Պյոտր Սվիտալսկիին:

ԿԳՆ-ից NEWS.am-ին հայտնում են, որ ԿԳ նախարարը շնորհակալություն է հայտնել ՀՀ-ում ԵՄ պատվիրակության ղեկավարին` Հայաստանի կրթության ոլորտին տրամադրվող աջակցության համար: Արայիկ Հարությունյանի խոսքով` Հայաստանի կրթական համակարգը կառուցվածքի առումով համադրելի է եվրոպական միասնական կրթական տարածքին, սակայն կրթության որակի բարելավման ուղղությամբ դեռեւս լուրջ մարտահրավերներ կան: Ներկայացնելով  կրթության ոլորտում նախանշվող բարեփոխումները՝ ԿԳ նախարարը նշել է, որ ներկայումս ԵՄ աջակցությունն է ակնկալվում՝ մասնավորապես, Կրթության ազգային ինստիտուտի վերափոխման, հանրակրթական ծրագրերի, դասագրքաստեղծ գործունեության, փոքրաթիվ դպրոցների կառավարման ուղղությամբ, ինչպես նաեւ միջին մասնագիտական եւ բարձրագույն կրթության ոլորտներում:

Արայիկ Հարությունյանն ընդգծել է, որ բարեփոխումների հիմնական առանցքում լինելու է հանրակրթությունը, որի արդյունքում ակնկալում են ունենալ անկախ, ազատ, քննադատական եւ վերլուծող մտածողությամբ շրջանավարտ: Այս փուլի համար նա վերոնշյալ ոլորտից առանձնացրել է գյուղական համայնքների փոքրաթիվ դպրոցների արդյունավետ կառավարման խնդիրը, որի կարգավորման համար մշակվում է նոր մոդել՝ կրթամշակութային կենտրոնների ձեւաչափով, որը հնարավորություն կտա գյուղական համայնքներում միաժամանակ մեկտեղել նախակրթարանի, դպրոցի եւ մշակութային կենտրոնի գործառույթները:

ԵՄ դեսպան Սվիտալսկին ԵՄ-Հայաստան հետագա համագործակցության համատեքստում  կարեւորելով կրթության ոլորտին տրամադրվող աջակցությունը` շեշտել է, որ կրթական գերատեսչության ղեկավարությունից ակնկալվում է կոնկրետ ծրագրերի ներկայացում: ԵՄ դեսպանն իր գոհունակությունն է արտահայտել կրթության կառավարման համակարգի արդյունավետության բարձրացման ու կոռուպցիայի դեմ պայքարի ուղղությամբ իրականացվող  նոր կառավարության քայլերի առնչությամբ:

Հանդիպման ընթացքում անդրադարձ է եղել նաեւ ուսումնական հաստատությունների ապաքաղաքականացմանը, կրթության համակարգին տրամադրվող պետական միջոցների արդյունավետության բարձրացմանը, գիտության ոլորտին,  մասնավորապես՝ «Հորիզոն 2020» ծրագրին, TUMO ստեղծարար տեխնոլոգիաների կենտրոնի ընդլայնմանը վերաբերվող այլ հարցերի:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
ԵՄ համագործակցությամբ՝ Հայաստանում կիրականացվեն շենքերի էներգախնայողությանը միտված միջոցառումներ
Նույն օրը, Եվրոպական միության եւ միջազգային ֆինանսական կառույցների բարձրաստիճան ներկայացուցիչներն հանդիպել են ՀՀ կառավարության պետական նախարարների եւ ոլորտի փորձագետների հետ եւ քննարկել…
Շվեդիան կմեծացնի Հայաստանին ֆինանսական աջակցությունը
Շվեդիայի միջազգային համագործակցության նախարար Պիտեր Էրիքսոնը մարտի 21-22-ը կայցելի Հայաստան․․․
ԵՄ-ը Պեկինից պահանջում է Չինաստանի տնտեսության բացման կոնկրետ ժամկետ
ԵՄ-ը փորձելու է ապրիլի 9-ի գագաթաժողովում հասնել Չինաստանի տնտեսության բացման կոնկրետ ժամկետի...
ԵՄ ԱԳՆ ղեկավարները կոչ են անում Թերեզա Մեյին պարզաբանել Բրիտանիայի դիրքորոշումը բրեքսիթի վերաբերյալ
Մենք պետք է իմանանք, թե ինչ են ուզում բրիտանացիները, ասել է Հեյկո Մաասը...
Մեկնարկում է ԵՄ «Թումո» ինժեներական եւ կիրառական գիտությունների համալիր ծրագիրը
ԵՄ-ն հայտարարել է ամրապնդում է աջակցությունը կրթական ոլորտին՝ հանուն Հայաստանի երիտասարդների...
Ռուսաստանը սպառնացել է պատասխանել ԵՄ նոր պատժամիջոցներին
Մարտի 15-ին Եվրամիության երկրները Կերչի նեղուցի միջադեպի պատճառով նոր պատժամիջոցներ էին կիրառել ութ ռուսաստանցիների դեմ...
Ամենաշատ