ԱՄՆ Կոնգրեսի Ներկայացուցիչների պալատի խոսնակ Փոլ Ռայանը պատրաստ է դիտարկել Ռուսաստանի նկատմամբ լրացուցիչ պատժամիջոցները։ Նա նաեւ հաստատել է իր աջակցությունը ԱՄՆ հետախուզության ծառայության եզրահանգումներին այն մասին, որ ՌԴ-ն միջամտել է 2016 թվականի ընտրություններին, փոխանցում է Reuters-ը։
Նրա խոսքով, եթե Կոնգրեսի կոմիտեները գտնում են, որ ՌԴ-ի նկատմամբ հետագա պատժամիջոցների անհրաժեշտություն կա, ապա ինքն ավելի երջանիկ կլինի դրանք դիտարկել․ «ՌԴ-ն սպառնացող կառավարություն է, որը չի կիսում մեր շահերն ու մեր արժեքները»,-ասել է նա։
