Սերբիան արագ տեմպերով շարժվում է դեպի Եվրամիության անդամակցություն եւ կարող է մինչեւ 2025 թվականը դառնալ համայնքի անդամ: Այս մասին հայտարարել է Ֆրանսիայի նախագահ Էմանուել Մակրոնը Փարիզում սերբ գործընկերոջ՝ Ալեքսանդր Վուչիչի հետ հանդիպման ժամանակ, փոխանցում է ՏԱՍՍ-ը։

Դրա համար, Մակրոնի խոսքով, անհրաժեշտ է կատարել դրված բոլոր պայմանները: «Ես այս հարցում ձեւականությունների հակված չեմ», - ավելացրել է նա:

Սերբիայի նախագահը հավաստիացրել է՝ Բելգրադը «հույս ունի, որ Եվրամիությունը դրական որոշում կկայացնի այս հարցում»: Նա նշել է, որ Սերբիայում մեծ նշանակություն են տալիս այս գործընթացում Ֆրանսիայի հետ համագործակցությանը:

Սերբիայի հետ ԵՄ անդամակցության պաշտոնական թեկնածու երկրներն են Ալբանիան, Մակեդոնիան, Մոնտենեգրոն ու Թուրքիան։ Անցյած տարվա աշնանը Եվրահանձնաժողովի նախագահ Ժան Կլոդ Յունկերը հայտարարել է, որ, իր կարծիքով, 2025 թվականին Սերբիան եւ Մոնտենեգրոն Եվրամիության անդամ կդառնան։