ԱՄՆ առաջնորդ Դոնալդ Թրամփն Իրանի նախագահ Հասան Ռոհանիին ութ անգամ հանդիպելու առաջարկ է արել, սակայն վերջինս հրաժարվել է: Այս մասին հայտարարել է Իրանի նախագահի ապարատի ղեկավար Մահմուդ Վաեզին, փոխանցում է «ՌԻԱ Նովոստի»-ն:
«Ասում են, որ ի վերջո իրանցիները ստիպված կլինեն շփման մեջ մտնել ԱՄՆ-ի հետ, սակայն մինչ օրս հակառակն է եղել: Նախագահ Ռոհանիի՝ անցյալ տարի ՄԱԿ-ի Գլխավոր ասամբլեայում մասնակցելու նպատակով Նյու Յորք այցի ընթացքում Թրամփն ութ անգամ հանդիպելու առաջարկ է արել Ռոհանիին, սակայն՝ ապարդյուն»,- ասել է Վաեզին, ում խոսքերը հրապարակվել են Իրանի կառավարության կայքում:
Ավելի վաղ Թրամփը հայտարարել էր, որ Իրանն այժմ ԱՄՆ-ին ավելի մեծ հարգանքով է վերաբերվում, քան անցյալում՝ հավելելով, որ Թեհրանը մի օր կառաջարկի գործարքը կնքել:
Իրանի գերագույն առաջնորդ Ալի Աքբար Վելայաթին Մոսկվա կատարած այցի ժամանակ հայտարարել էր, որ Թեհրանը ԱՄՆ-ի բանակցությունների անհրաժեշտություն չի տեսնում՝ մատնանշելով Վաշինգտոնի կողմից միջազգային համաձայնագրերի խախտումը, այդ թվում անեւ՝ միջուկային գործարքի: