Հյու Ջեքմանի գլխավոր դերակատարմամբ «Լոգան» ֆանտաստիկ մարտաֆիլմի հետ կապված 2017-ին ամենամեծ քանակությամբ գանգատներն են ստացվել բրիտանացի կինոսերներից, հայտնում է «Լենտա․ ռու»-ն՝ վկայակոչելով ֆիլմերի դասակարգման հարցերով բրիտանական խորհրդի կայքը։

Ըստ հետազոտական տվյալների՝ ֆիլմը ստացել է 20 պաշտոնապես գրանցված գանգատ։ Հանդիսատեսների մեծ մասին դուր չի եկել, որ «Լոգանը»՝ բռնության ու դաժանության տեսարաններով հանդերձ ստացել է «15+» տարիքային դասակարգումը։ Բրիտանական խորհրդում շեշտել են, որ ֆիլմը ավելի շատ կենտրոնացած է էքշն տեսարանների, քան սադիզմի վրա։

Նշում են, որ նախորդ տարիներին վրդովեցուցիչ ֆիլմերի շրջանում առաջատար էին դարձել նրանք, որոնք հավաքել էին 40-50 բացասական արձաանք։ 2017-ին գանգատների քանակը նախորդ տարվա 371-ից նվազել էր մինչև 262։

Երկրորդ հորիզոնականում «Կոնգ՝ Գանգի կղզի» ֆիլմն է՝ վեց գանգատներով։ Երրորդ տեղը կիսել են «Օտարը․ պատգամ», «Զինված ուրվականը» ու «Այն» ֆիլմերը՝ հինգական գանգատներով։

2017-ի հուլիսին հայտնել էին, որ 2016-ի ամենավրդովեցուցիչ ֆիլմն էր դարձել «Դեդփուլը» ՝ Ռայան Ռեյնոլդսի մասնակցությամբ։ Այդ ֆիլմի կապակցությամբ 51 գանգատ էր գրանցվել։