Անհայտ պատկանելության անօդաչուները երկու անգամ գրոհել են «Հմեյմին» ռուսական բազայի վրա, երկու թիրախն էլ ոչնչացված է, հայտնել է ավիաբազայի ներկայացուցիչը, փոխանցում է «Ինտերֆաքսը»:
«Շաբաթ՝ 2018 թվականի հուլիսի 21-ին, մութն ընկնելուն պես «Հմեյմիմ» ավիաբազայի հակաօդային պաշտպանության ռուսական միջոցները զգալի հեռավորությամբ հայտնաբերել են անհայտ պատկանելության փոքրաչափ օդային թիրախ (անօդաչու թռչող սարք), որը մոտեցել էր ռուսական ռազմական օբյեկտին: Ռուսական ավիաբազայի զենիթային կրակային միջոցներով օդային թիրախը ոչնչացվել է»,- հայտարարել է ավիաբազայի ներկայացուցիչը:
