«Իսլամական պետություն» խմբավորումը ստանձնել է հրաձիգի գործողությունների պատասխանատվությունը, որն անցած կիրակի Տորոնտոյում սպանել էր 2 մարդու, հայտնում է Reuters-ը:
Միջադեպը Տորոնտոյում տեղի է ունեցել կիրակի ուշ երեկոյան Գրիքթաուն շրջանի փողոցներից մեկում, որտեղ մեծ թվով սրճարաններ ու ռեստորաններ կան: Հաստատություններից մեկում տղամարդը կրակել է ատրճանակից, այնուհետեւ հրաձգություն է սկսվել նրա ու ոստիկանների միջեւ, եւ նա սպանվել է:
Հրաձիգի գործողությունների հետեւանքով զոհվել է 2 մարդ՝ 10-ամյա եւ 18-ամյա աղջիկներ: Եվս 13 մարդ վիրավորվել է:
Ոստիկանությունը հայտարարել էր, որ չի բացառում ահաբեկչության տարբերակը: 29-ամյա Ֆեյսալ Հուսեյնի ընտանիքը, որը Տորոնտոյում կիրակի հրաձգություն էր կազմակերպել, պնդել է, որ նա հոգեկան խանգարումներ ուներ:
