News
Լրահոս
News
Երեքշաբթի
Հոկտեմբեր 26
Տեսնել լրահոսը

Կառավարությունն իր այսօրվա՝ օգոստոսի 2-ի նիստում որոշում կայացրեց ներդրումային ծրագրի շրջանակներում «Հելլո» ՍՊԸ կողմից ապրանքների ներմուծման դեպքում մաքսային եւ հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով հետաձգելու մասին:

Հարցը ներկայացրեց Տնտեսական զարգացման եւ ներդրումների նախարար Արծվիկ Մինասյանը:

Նրա խոսքով, «Հելլո» ընկերությունը նախատեսում է իրականացնել ներդրումային ծրագիր, որի արդյունքում նախատեսում է տեքստի արդյունաբերության ոլորտում նոր տեսականու արտադրության միջոցով՝ ավելացնել արտադրանքի ծավալները, ստեղծելով նոր աշխատատեղեր։

Ներկայացված ներդրումային ծրագրի շրջանակներում ընկերությունը մտադիր է կատարել ընդհանուր շուրջ  370.8 մլն ՀՀ դրամի չափով ներդրում, որից բարձրորակ հումք ձեռք բերելու համար ներդրում կկատարի շուրջ 322,8 մլն ՀՀ դրամի չափով, որն էլ իր հերթին կծառայի բարձր որակի տրիկոտաժե քաթաններ՝ հագուստեղեն կարելու համար։

Վերոնշյալ գործունեության կազմակերպման համար ներմուծվող ապրանքների մասով ընկերությունն ակնկալում է ԱԱՀ-ի գումարների երեք տարի ժամկետով հետաձգում:

«Արդյունքում մինչեւ 2021 թվականը կստեղծվի 30 նոր աշխատատեղ՝ 106 հազար դրամ միջին աշխատավարձով: Ներկայումս ընկերությունում աշխատում է 105 մարդ»,- ասաց Արծվիկ Մինասյանը:

Իր հերթին վարչապետ Նիկոլ Փաշինյանը նշեց, որ չնայած ընկերություններին նման արտոնություններ տրամադրելու քաղաքականությունը հասկանալի է, բայց ամեն անգամ որոշակի հարցադրումներ են լինելու դրանց տրամադրման հիմնավորումների շուրջ:

«Նախորդ նիստում պարզաբանեցինք, որ որոշակի սանդղակներ են գործում, սակայն հնչում են հարցեր, թե որքանով են օբյեկտիվ դրանք: Ընդհանուր առմամբ, ամենակարեւոր խնդիրը, որ պետք է այստեղ լուծենք՝ նոր աշխատատեղերի ստեղծումն է, ոլորտի զարգացումը: Առաջիկայում այդ թեմայով ավելի մանրամասն քննարկում կունենանք, թեթեւ արդյունաբերության ոլորտի զարգացումը խթանելու համար պետք է դրամատիկ միջոցներ ձեռնարկենք»,- ասաց Նիկոլ Փաշինյանը:

Նա ընդգծեց, որ ընկերություններին արտոնություններ տրամադրելու գործընթացը պետք է կազմակերպվի չափազանց թափանցիկ, որպեսզի չխաթարվի վստահության մթնոլորտը որեւէ գործընթացի նկատմամբ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստան. հունվար-սեպտեմբեր ամիսներին Ռուսաստանի քաղաքացիություն է ստացել ավելի քան 34 000 մարդ
Սահմաններին չդադարող սադրանքները, մոտ ապագայի անորոշությունը ստիպում են շատերին ապրելու ապահով վայր փնտրել․․․
Դոլարի փոխարժեքը աճել է. եվրոն աննշան էժանացել է
Թանկարժեք մետաղների համար բանկի կողմից սահմանվել են հետևյալ գները...
ՀՀ ՊԵԿ-ը և Իտալիայի հարկային ծառայությունը քննարկել են տրանսֆերային գնագոյացման ոլորտում ծրագրերը
Աշխատանքային քննարկում են անցկացրել «Հարկային տեսուչներ առանց սահմանների» ծրագրի շրջանակում...
ԿԲ. ՀՀ-ում կապիտալ ծախսերի ծրագրի ցուցանիշները եւ տնտեսական աճի կանխատեսումները ավելի բարձր են, քան նախորդ տարիներին
«Ընդ որում, պետական ​​պարտքի ցուցանիշը կնվազի 0.7 տոկոսով...
Ֆիննախ. Հայաստանում գնաճը կսահմանափակվի միայն օբյեկտիվ գործոններով, այլ ոչ թե՝ աժիոտաժային տրամադրություններով
«Հայաստանն այս տարին ստիպված կլինի փակել գնաճի բարձր ցուցանիշով...
Ֆիննախ. 2022թ. ՀՀ տնտեսական աճի հիմնական շարժիչը կարող են դառնալ շինարարությունը եւ արդյունաբերությունը
Հաջորդ տարի ակնկալում ենք, որ գնաճի միջավայրը կվերադառնա թույլատրելիի սահմաններ, ասել է ֆինանսների նախարարը...
Ամենաշատ