Եվրահանձնաժողովը մտագոհված է, որ Կիպրոսը, Մալթան ու Հունաստանը թողարկում են, այսպես կոչված, «ոսկյա անձնագրեր» Չինաստանից, ՌԴ–ից, ԽՍՀՄ նախկին հանրապետություններից անձանց համար։
Եվրահանձնաժողովը մտադիր է սեպտեմբերին ԵՄ երկրների կողմից քաղաքացիության տրամադրման նոր նորմեր հրապարակել։ Այս մասին ասել է արդարադատության հարցերով եվրոպական հանձնակատար Վերա Յուրովան, հայտնում է Spiegel–ը։
Նա կոչ է արել ԵՄ երկրներին զսպվածություն դրսեւորել երկրորդ երկրներից անձանց քաղաքացիություն տրամադրելու հարցում։
Հանձնակատարի խոսքով՝ վերջին տարիներին աճել է ԵՄ երկրների կողմից տրվող անձնագրերի թիվը, որոնք ստանում են երկրի տնտեսությունում ներդրման հիմքով կամ թանկարժեք անշարժ գույք գնելու արդյունքում։
«Մենք ոչ մի տրոյական ձի չենք ցանակնում Եվրամիությունում։ Որոշ երկրներ պետք է մեծ ջանքեր գործադրեն, որ քաղաքացիություն չտրամադրեն հանցագործներին, որոնք կարող են վնասել Եվրոպայի անվտանգությանը կամ փողերի լվացմամբ զբաղվել»,–ասել է Յուրովան։
Հիշեցնենք, որ 2013 թվականից Կիպրոսի քաղաքացիություն է տրամադրվել անձանց, որոնք նվազագույնը 2 մլն եվրո են ներդրել անշարժ գույքի դեպքում, 2,5 մլն եվրո պետական արժեթղթերում եւ կիպրական ընկերությունում։
