Նյու Յորքում Barclays Center արարողության ժամանակ կայացել է Samsung Galaxy Note 9-ի շնորհանդեսը, հաղորդում է ՏԱՍՍ-ը:
Samsung-ի ներկայացուցիչ Դրյու Բլեքորդը ընդգծել է, որ նորույթը ունի 6,4 դյույմանոց դիսփլեյ՝ ամենամեծը, որը երբեւէ օգտագործվել է Note շարքում:
Սմարթֆոնը հագեցած է S-Pen-ով, տեսախցիկի հեռակառավարման գործառույթով, երաժշտության եւ այլ գործառույթներով, մատնահետքերը ճանաչելու հաղորդիչով:
Բլեքորդը նշել է, որ սմարթֆոնն ունի 128 Գբ հիշողություն: Մարտկոցի հզորությունը 4000 միլիամպեր/ժամ է, ինչը, ըստ նրա, «Note սմարթֆոնների ողջ շարքի ամենահզոր մարտկոցն է»: Նորույթը կներկայացվի չորս գույներով՝ կապույտ, մանուշակագույն, պղնձագույն եւ սեւ: