Երեքշաբթի լույս գիշերը Ատլանտյան օվկիանոսի հարավային հատվածում տեղի է ունեցել 6,1 մագնիտուդով երկրաշարժ: Այս մասին հայտնել է ԱՄՆ Երկրաբանական ծառայությունը, փոխանցում է ՏԱՍՍ-ը:
Ծառայության տեղեկություններով՝ երկրաշարժի էպիկենտրոնը գտնվում է Հարավային Սանդվիչներ կղզիների կազմի մեջ մտնող Բրիսթոլ կղզուց 126 կմ հյուսիս-արեւելք: Կղզիներում մշտական բնակչություն չի ապրում: Ստորգետնյա ցնցման օջախը 35 կմ խորության վրա է: Ցունամիի վտանգ չի հայտարարվել: