Grant Thornton ընկերության հայկական մասնաճյուղը կոչ է արել ԱՄՆ գանձապետարանին Հայաստանի ու ԱՄՆ–ի միջեւ կրկնակի հարկումը բացառելու փոխշահավետ համաձայնագիր կնքելու շուրջ բանակցություններ սկսել։ Այս մասին հայտնում է ԱՄՆ Հայ դատի հանձնախումբը։
ԱՄՆ ֆինանսների նախարար Սթիվեն Մնուչինին ուղղված նամակում հայկական մասնաճյուղի գործադիր գործընկեր Գագիկ Գյուլբուդաղյանը հայտարարել է, որ, այդպիսի համաձայնագիր կնքելով, կողմերը ամերիկյան ներդրումների ճանապարհից կհեռացնեն արհեստական պատնեշը, ավելին՝ այն ազդակ կդառնա երկու կողմերի միջեւ համագործակցության նոր ուղիների ուսումնասիրման համար։
ԱՄՆ Հայ դատի հանձնախմբի նախագահ Ռաֆֆի Համբարյանը նշել է, որ ամերիկաբնակ հայերը ողջունում են ընկերության ջանքերը եւ կոչ են անում գանձապետարանին առանց հապաղման կնքել այդ համաձայնագիրը։