ՀՀ երկրորդ նախագահ Ռոբերտ Քոչարյանի գործի վերաբերյալ հարցին իրավունք չունեմ պատասխանելու։ Այս մասին այսօր՝ օգոստոսի 21-ին, իր պաշտոնավարման 100 օրն ամփոփող ասուլիսի ընթացքում հայտարարեց արդարադատության նախարար Արտակ Զեյնալյանը:

«Ես արդարադատության նախարար եմ ու Ռոբերտ Քոչարյանի գործի վերաբերյալ հարցին իրավունք չունեմ պատասխանելու, դա կլինի միջամտություն: Ես ունեմ իմ տեսակետը, բայց չեմ կարող ներկայացնել այն, քանի որ ունեմ ազդեցության լծակներ, ու այդպիսի հարցի պատասխանելը կլինի խախտում: Թույլ տվեք այդ խախտումը թույլ չտալ»,–նշեց նա։

Զեյնալյանը, խոսելով Վերաքննիչ դատարանի դատավոր Ալեքսանդր Ազարյանի ինքնաբացարկի մասին,  համոզմունք հայտնեց՝ եթե կան հիմքեր, դատավորները պարտավոր են ինքնաբացարկ հայտնել. «Դատավորները, եթե կարծում են, որ կարող են չընկալվել որպես անկողմնակալ, ապա պարտավոր են ինքնաբացարկ հայտնել»։