Օգոստոսի 22-ին, ժամը 04։26-ին Վրաստանի ՆԳՆ ԱԻ դեպարտամենտից «911» ծառայությանը տեղեկություն է հաղորդվել, որ ժամը 03։12-ի սահմաններում Թբիլիսի քաղաքի Աղմաշենիբելի փողոցի «Կառպուռի» հանրախանութի մոտակայքում տեղի է ունեցել ավտովթար՝ բախվել են «Mercedes» մակնիշի ուղեւորափոխադրող (վարորդը՝ Հ. Օ. ) եւ «ВАЗ 21-06» մակնիշի ավտոմեքենաները. բախման հետեւանքով տուժել են ՀՀ քաղաքացիներ:
Հայաստանի ԱԻՆ-ից NEWS.am-ին հայտնում են, որ «ВАЗ 21-06» մակնիշի ավտոմեքենայի ուղեւորները՝ Ս. Ս.-ն եւ Է. Բ.-ն հոսպիտալացվել են «Միխայելովսկոյե» եւ «Լացետի» ԲԿ-ներ, իսկ «Mersedes» մակնիշի ավտոմեքենայի ուղեւորները՝ Ա. եւ Ա. Ն.-երը, Դ. Չ.-ն, Թ. Պ.-ն տեղում ստացել են համապատասխան բուժօգնություն եւ հրաժարվել հոսպիտալացումից։
