Իմ առաջնահերթություններից մեկը կլինի Կենտրոնական բանկում այնպիսի որոշումների ընդունումը, որոնք փաստերի վրա են հիմնված: Այս մասին սեպտեմբերի 10-ին ԱԺ-ում Հայաստանի Կենտրոնական բանկի վարչության անդամի ընտրության մասին հարցի քննարկման ժամանակ ասաց պաշտոնի թեկնածու Մարտին Գալստյանը:
Նա նշեց, որ այս պաշտոնում իրեն հաստատելու դեպքում կարող է պատգամավորներին հավաստիացնել, որ իր ջանքերն ուղղված կլինեն Հայաստանի տնտեսության ամրապնդմանը, մրցունակության բարձրացմանը: «Վերջին տարիների մեր հետազոտությունները ցույց են տվել, որ վարկերի եւ ավանդների տոկոսադրույքները զգալիորեն ցածր են: Հատկապես վարկերի»,- պարզաբանեց Գալստյանը:
Նա հավելեց, որ բանկերը որոշակի ֆինանսական շահեր են հետապնդում: Ինչպես նշեց թեկնածուն, այս պատճառով ստեղծված իրավիճակում Հայաստանում տոկոսադրույքները շարունակում են նվազել: Սակայն սա, իր հերթին, կարող է հանգեցնել բանկերի եկամուտների նվազման, ինչը որոշակի վտանգներ է պարունակում լրացուցիչ բիզնես ներդրումները մեծացնելու տեսանկյունից: Մարտին Գալստյանը շեշտեց, որ այս գործընթացին չափազանց բացասաբար է վերաբերվում: