News
Լրահոս
News
Երեքշաբթի
Նոյեմբեր 13
Տեսնել լրահոսը

ԱՄՆ-ի էներգետիկ անվտանգության մասին օրինագիծը սպառնալիք է ներկայացնում «Թուրքական հոսք» անդրսեւծովյան գազատարի համար, որի եվրոպական հատվածը կարող է պահանջված չլինել, հաղորդում է Reuters-ը:

Եթե ամերիկյան նախագիծը դառնա օրենք, եվրոպական ընկերությունները կարող են հրաժարվել ռուսական մագիստրալին տանող ենթակառուցվածքի շինարարությունից: Այս դեպքում հարավային Եվրոպան ստիպված կլինի գնել ավելի թանկ հեղուկ գազ, կարծում են վերլուծաբանները:

Չնայած հուլիսին հրապարակված օրինագծի հետ կապված ռիսկերին, «Գազպրոմը» ավարտում է թուրքական հոսքի կառուցումը, նախագծի, որը փոխարինեց «Հարավային հոսք» չիրականացված գազատարը: Դրանով Մոսկվան հույս ունի, որ մեկ տարի անց կսկսի Եվրոպայի հարավին եւ հարավ-արեւելքին գազը վաճառել՝ շրջանցելով Ուկրաինան, որի հետ տրանզիտային պայմանագիրն ավարտվում է 2019-ի վերջին:

Թուրքական հոսքի երկու հատվածների  կառուցումը ավարտվել է 80 տոկոսով: Հետեւաբար ՌԴ-ից գազատարների նկատմամբ ԱՄՆ-ի հնարավոր պատժամիջոցները կիրառման դեպքում, գազատարի ցամաքային եւ ստորջրյա տեղադրման վրա արդեն չեն կարողանա ազդեցություն ունենալ, նշում են վերլուծաբանները:

 «Պատժամիջոցները կարող են ազդել այս գազի ընդունման համար անհրաժեշտ ենթակառուցվածքների կառուցմանը եվրոպական ընկերությունների մասնակցության վրա: Հարցը ընդունող ենթակառուցվածքում է, առանց որի երկրորդ հատվածը անօգուտ կլինի», - կարծում է Fitch Ratings վարկանիշային գործակալության բնական ռեսուրսների խմբի տնօրեն Դմիտրի Մարինչենկոն:

Օգոստոսին ԱՄՆ Կոնգրեսի վերին պալատին ներկայացրած ամերիկյան օրինագիծը, բացի Ռուսաստանից նոր խողովակաշարային նախագծերի կառուցմանը աջակցելու համար պատժամիջոցներից, ներառում է Հյուսիսատլանտյան դաշինքի (ՆԱՏՕ) երկրներին ամերիկյան հեղուկ գազի մատակարարման խթանման միջոցառումների մշակումը:

Այսինքն, ԱՄՆ-ի վառելիքը կարող է սկսվել փոխարինել եվրոպական շուկայում ռուսական գազին: Միեւնույն ժամանակ, Եվրոպան արդեն հայտարարել է հեղուկ բնական գազ ստանալու համար լրացուցիչ տերմինալներ կառուցելու պատրաստակամության մասին:

«Եթե Վաշինգթոնին հաջողվի իր գազը վաճառել Եվրոպայի հարավին, ապա դա կարող է վնաս հասցնել Ռուսաստանի` «Թուրքական հոսքով» տարածաշրջան գազի արտահանման ծրագրերին», - ասել է Vygon Consulting-ի հետազոտությունների հարցերով տնօրեն Մարիա Բելովան:

Մարինչենկոն ասում է, որ «Թուրքական հոսքի» եվրոպական հատվածի ճակատագիրը  անորոշ է նաեւ այն պատճառով,  որ ծրագիրը Եվրոպայում չունի այնպիսի ուժեղ լոբբիստ, ինչպիսին Գերմանիան է «Գազպրոմի» կողմից կառուցվող «Հյուսիսային հոսք-2»-ի գազամուղի համար:

Եվ այնուամենայնիվ Raiffeisen-ից վերլուծաբան Անդրեյ Պոլիշչուկը Եվրոպայում «Թուրքական հոսքի» չահանջված չլինելու ռիկսը բացառապես քաղաքական է անվանում:

«Իհարկե, կան նման ռիսկեր, բայց ավելի շուտ (միայն) քաղաքական միջամտության դեպքում», - ասել է  Պոլիշչուկը:

 

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նավթի համաշխարհային գները նվազում են
WTI տեսակի նավթի դեկտեմբերյան ֆյուչերսներն էժանացել են 1,37 տոկոսով՝ մեկ բարելի դիմաց կազմելով 59,11 դոլար…
ՕՊԵԿ-ը եւ պայմանագրի դաշնակիցները համաձայնել են օրական 1 միլիոն բարելով կրճատել նավթի արդյունահանումը
Սաուդյան Արաբիայի իշխանությունները չեն դիտարկում ՕՊԵԿ-ի լուծարման հնարավորությունը․․․
Գազի ավելի ցածր սակագին հաստատելու ռեզերվներ ունենք. Միքայել Մելքումյան
Հայաստանին մատակարարվող գազի ծավալը Ռուսաստանի համար այդքան մեծ ծավալ չի կազմում եւ չենք կարող ասել, որ բիզնես շահն այստեղ դոմինանտ է…
Նավթի համաշխարհային գները աճում են
WTI նավթի դեկտեմբերյան ֆյուչերսները ավելացել են 0,1 տոկոսով եւ մեկ բարելի համար կազմել 61,73 դոլար...
ՀՀ-ում շահագործվող 184 փոքր ՀԷԿ-երից 143-ը տարիներով շահագործվել են ակնառու խախտումներով. հարուցվել է քրգործ
ՀՀ վարչապետի 2018թ․ սեպտեմբերի 5-ի որոշմամբ ստեղծված աշխատանքային խմբի, ՀՀ բնապահպանության եւ ընդերքի տեսչական մարմնի...
Նավթի համաշխարհային գները նվազում են
WTI նավթի դեկտեմբերյան ֆյուչերսները նվազել են 0.48 տոկոսով՝ մեկ բարելի դիմաց կազմելով 61.91 դոլար....
Partner news