ԵՄ դիվանագիտության ղեկավար Ֆեդերիկա Մոգերինին եւ Սիրիայի հարցով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան Նյու Յորքում կայանալիք ՄԱԿ Գլխավոր ասամբլեայի նիստի նախաշեմին քննարկել են Սիրիայում իրավիճակը:
Այս մասին ասվում է Եվրամիության արտաքին քաղաքականության ծառայության հայտարարության մեջ, որը տարածվել է շաբաթ Բրյուսելում Մոգերինիի եւ դե Միստուրայի հանդիպումից հետո, հաղորդում է ՏԱՍՍ-ը:
«Նրանք քննարկել են սիրիական ճգնաժամի վերջին իրադարձությունները եւ Սիրիայի հարցով առաջիկա բարձր մակարդակով հանդիպումը, որը ԵՄ-ն սեպտեմբերի 26-ին կանցկացնի Նյու Յորքում ՄԱԿ Գլխավոր ասամբլեայի նիստի շրջանակներում», - նշվում է հայտարարության մեջ:
«Գերագույն ներկայացուցիչը եւ հատուկ ներկայացուցիչը մտքեր են փոխանակել Աստանայի երաշխավորների հետ շփումների վերաբերյալ, որոնց նրանք կոչ են անում պահպանել Իդլիբում դեէսկալացիայի գոտին»: