ՆԱՏՕ-ի երկրորդ մշտական ռազմածովային խմբի մարտական նավերը ավելի են մոտեցել Սիրիային, հաղորդում է «Ինտերֆաքսը»` վկայակոչելով արեւմտյան մոնիթորինգային ռեսուրսների տվյալները:
Նշվում է, որ այժմ Սիրիայի անմիջական հարեւանությամբ են գտնվում Կանադայի ռազմածովային նավատորմի «Վիլ դե Քվեբեկ», Նիդերլանդների նավատորմի «Դե Ռեյթեր» եւ Հունաստանի ռազմածովային նավատորմի «Էլլի» ֆրեգատները: Բացի այդ, այս տեղեկությունը հաստատել է հոլանդական ֆրեգատներից մեկի կապիտանը, ով խմբի առաջատարն է:
Նշվում է նաեւ, որ այս պահին ԱՄՆ-ի ռազմածովային ուժերը Միջերկրական ծովում ունեն 204 թեւավոր «Տոմագավկ» հրթիռներ Սիրիայում թիրախներին հարվածելու համար: