Ինձ համար հատուկ նշանակություն չունի, թե որտեղ է ծառայում Ադրբեջանի նախագահ Իլհամ Ալիեւի որդին: NEWS.am-ի թղթակցի հետ զրույցում այս մասին ասաց «Ժառանգություն» կուսակցության առաջնորդ Րաֆֆի Հովհաննիսյանը` մեկնաբանելով երեկ վարչապետ Նիկոլ Փաշինյանի հայտարարությունը, որի ժամանակ նա դատապարտել էր այն փաստը, որ Ալիեւն իր որդուն ուղարկել է Բաքվում ծառայելու եւ ոչ թե առաջապահ դիրքեր:
Խոսելով վերջին օրերին ադրբեջանական ուժերի կողմից Տավուշի մարզի տարածքների գնդակոծման մասին՝ Հովհաննիսյանը նշեց, որ ադրբեջանական կողմը փորձում է լարվածություն ստեղծել սահմանին՝ օգտվելով ներկայիս անցումային շրջանից:
«Ակնհայտ է, որ ներկայիս նոր Հայաստանը Ադրբեջանին հանել է հավասարակշռությունից: Նման գործողություններով նա արտահայտում է իր վերաբերմունքը այդ գործընթացների նկատմամբ՝ փորձելով ամրապնդել իր տեղը », - ասաց նա:
Հավելենք, որ սեպտեմբերի 17-ի գիշերը ադրբեջանական կողմը անկանոն կրակ էր բացել Տավուշի մարզի ուղղությամբ: Ավելի վաղ ադրբեջանական զինվորականները գնդակոծել էին տվյալ շրջանի զորամասերից մեկը, ինչպես նաեւ Կոթի, Չինարի եւ Արենի գյուղերը: Գնդակոծման արդյունքունմ վիրավորվել էր Կոթի գյուղի բնակիչ, 1957 թվականին ծնված Սուրեն Սեփխանյանը