Ֆիլիպիններում «Մանգհուտ» փոթորկից զոհվածների թիվը հասել է 74-ի: Այս մասին հայտնում է Rappler-ը՝ հղում անելով ազգային ոստիկանությանը, հաղորդում է «ՌԻԱ Նովոստին»:
Սեպտեմբերի 18-ին «Մանգհուտ» փոթորկի հետեւանքով զոհվածների թիվը հասել է 74-ի, զոհերի մեծ մասը Կորդիլերյան վարչական շրջանից են:
Ոստիկանության տվյալներով, ներկայումս 55 անհետ կորած կա, նրանցից 52-ը՝ Կորդիլերյան վարչական շրջանում, որը սողանքների հետեւանքով լրջորեն վնասվել էր: Հաղորդվում է նաեւ 74 տուժածների մասին:
Հզոր «Մանգհուտ» փոթորիկը ուրբաթ երեկոյան հասել էր Ֆիլիպինների հյուսիսարեւելյան ափին: Իշխանությունների տվյալներով, փոթորիկն անդրադարձել է տարածաշրջանում ապրող ավելի քան 800 հազար մարդու:
