Հնդկաստանը Prahaar մարտավարական բալիստիկ հրթիռի հաջող փորձարկումներն է անցկացրել, հաղորդում է ՏԱՍՍ-ը՝ հղում անելով IANS-ին:
IANS-ի հաղորդմամբ, հրթիռն արձակվել է Օդիշա արեւելյան նահանգում տեղակայված փորձադաշտից: Փորձարկումները կատարվել են հորդառատ անձրեւի պայմաններում:
Prahaar-ը բալիստիկ, պինդ վառելանյութով հրթիռ է, որը ստեղծվել է պաշտպանական հետազոտությունների եւ զարգացման հնդկական կազմակերպության կողմից: Նախատեսվում է, որ այս մարտավարական հրթիռը կարողանալու է բարձր ճշգրտությամբ մինչեւ 150 կմ հեռավորությամբ թիրախները խոցել:
