Ջոնս Հոփքինսի համալսարանի (ԱՄՆ) կենսաբանները փորձ են անցկացրել ռեզուս- մակակների մասնակցությամբ եւ ապացուցել, որ լրացուցիչ տեսադաշտը (supplementary eye field) կարեւոր դերակատարում ունի մոլի վարքագծի մեջ, հայտնում է Current Biology ամսագիրը:
Փորձին մասնակցել է երկու մակակ: Նրանք համակարգչի հետ մոլեխաղ են խաղացել, որի մրցանակը ջուրն էր: Երկու պրիմատն էլ իրենց դրսեւորել են որպես մոլի խաղացող: Օրինակ՝ նրանց առաջարկվել է խաղի տարբեր պայմաններ. մի դեպքում նրանք կարող էին 10 մլ ջուր շահել 20 տոկոս հավանականությամբ, մյուս դեպքում մրցանակը կազմում էր 3 մլ, բայց հավանականությունը հասնում էր մինչեւ 80 տոկոսի: Նույնիսկ այն դեպքում, երբ կապիկները ծարավ չէին, ընտրում էին ավելի ռիսկային տարբերակը:
Հետազոտության ղեկավար Սյամոմո Չենը փորձարարական կենդանիներին համեմատել է մոլի մարդկանց հետ:
Վկայակոչելով պրիմատների եւ մարդու ուղեղները նմանությունը՝ հեղինակները ենթադրում են, որ ուղեղի նույն հատվածը կարող էր պատասխանատու լինել նաեւ մարդու ռիսկային պահվածքի համար: Այդ դեպքում հետազոտությունը առաջին քայլը կդառնար մոլեխաղեղից կախվածության ֆիզիոլոգիական հիմքերն ըմբռնելու ճանապարհին: