Նոր Զելանդիայի վարչապետ Ջասինդա Արդերնի 3 ամսական դուստրն իր մոր հետ եկել է ՄԱԿ-ի Գլխավոր ասամբլեայի նստաշրջանին, հաղորդում է «ՌԻԱ Նովոստին»՝ վկայակոչելով Newshub նորզելանդական պորտալին:
ՄԱԿ-ի Գլխավոր ասամբլեան անցկացվում է Նյու Յորքում սեպտեմբերի 24-ից 27-ը: Հիմնական իրադարձությունները կսկսվեն սեպտեմբերի 25-ին եւ կտեւեն մեկ շաբաթ: Այս ընթացքում ՄԱԿ-ում ելույթ կունենան 93 պետությունների ղեկավարներ, 41 պետությունների ղեկավարներ եւ 55 արտգործնախարարներ:
«Սա շատ գործնական որոշում էր: Իրականում, Նեւեն Նոր Զելանդիայում ժամանակի մեծ մասն ինձ հետ է», - Newshub-ը մեջբերել է Արդերնին:
Պորտալի տվյալներով վարչապետը երկուշաբթի ՄԱԿ ԱԽ շրջանակներում ելույթ է ունեցել Նելսոն Մանդելայի խաղաղության գագաթաժողովում:
Նրա զուգընկեր Կլարկ Գեյֆորդը եւ նրա դուստրը ելույթին նրա հետ ներկա են եղել: Գեյֆորդը Twitter-ում հրապարակել է համաժողովի մասնակից Նեւեի բեյջը:
Նոր Զելանդիայի վարչապետ Ջասինդա Արդերնն այս տարվա հունիսին աղջիկ էր ունեցել: Նա գնացել էր դեկրետային արձակուրդ եւ վեց շաբաթ անց վերադարձել: Արդերնի բացակայության ժամանակ վարչապետի պարտականությունները կատարում էր նրա տեղակալ Ուինսթոն Փիթերսը: