Ամերիկյան Google կորպորացիան ներկայացրել է որոնման համակարգի փոփոխությունները: Նոր գործառույթներից մեկն են ակտիվության քարտերը. երբ օգտատերը երկրորդ անգամ է դիտում անցյալում կատարած որոնման հարցումը, Google-ը կարտացոլի որոնման արդյունքներում նախորդ քայլերը, փոխանցում է «Կոմերսանտը»:
Ակտիվության յուրաքանչյուր քարտը կարտացոլի կապակցված որոնման հարցումները եւ բոլոր կապակցված էջերը, որոնք օգտատերը նախկինում այցելել է: Ակտիվության քարտերը կարելի անջատել կարգավորման մեջ:
Մյուս նոր գործառույթն է լինելու որոնման արդյունքների պահպանման հնարավորությունը անմիջապես ակտիվության քարտերից հավաքածուների մեջ եւ կապակցված հղումները խորհուրդ տալը: Այս գործառույթը կարող է օգտակար լինել ուղեւորության կամ նախագծի վրա աշխատանքի ծրագրավորման համար:
Եվս մեկ նորույթ են Instagram-ի տիպի պատմությունները, որոնք նույնպես Google-ը կտրամադրի որոնման արդյունքներում: Գործառույթը առայժմ հասանելի է միայն ընկերություններին, որոնք կտեսնեն, որ դրանց բովանդակությունը նոր ձեւաչափով արտացոլվում է որոնման արդյունքներում:
Google-ը որոնման մեջ կավելացնի նաեւ թեմայի հետ կապված ընտրված հոլովակները: Օրինակ՝ եթե քաղաք է ընտրվում, ապա օգտատերը կտեսնի յուրաքանչյուր տեսարժան վայրի հոլովակները:
Google Lens-ը կինտեգրվի պատկերների որոնմանը: Հիմա լուսանկարելիս հավելվածը ավտոմատ կնույնականացնի պատկերի մեջ եղած բոլոր օբյեկտները. հնարավոր կլինի սեղմել դրանցից ցանկացածի վրա եւ դիտել որոնման արդյունքները:
Discover («Բացահայտիր քեզ համար») նոր գործառույթը օգտատիրոջը խորհուրդներ կտրամադրի՝ հիմնված նրա հետաքրքրությունների վրա: