ԱՄՆ նախագահ Դոնալդ Թրամփը հավանության է արժանացրել երկու պետությունների սկզբունքների հիման վրա իսրայելա-պաղեստինյան հակամարտության լուծուման որոշումը։ Թրամփի աշխատակազմը նախկինում հայտարարել էր, որ կաջակցի երկու պետությունների որոշմանը, եթե կողմերը համաձայնեն դրա հետ։

Նյու Յորքում Բենիամին Նեթանյահուի հետ հանդիպման ժամանակ ԱՄՆ նախագահն ասել է, թե մտադիր է առաջիկա 2-3 ամիսների ընթացքում հրապարակել իր խաղաղ ծրագիրը։ «Իմ երազանքն է՝ անել դա մինչեւ իմ առաջին ժամկետի ավարտը»,- ասել է Թրամփը։