Yahoo ընկերությունը հայտարարել է հաղորդագրությունների փոխանակման նոր հավելվածի թողարկման մասին: Yahoo Together կոչվող ծառայության օգտատերերը կարող են թեմատիկ խմբեր ստեղծել («ընտանիք», «բարեկամներ», «գրքի ակումբ»), այնտեղ հրավիրելով ազգականներին կամ ծանոթներին, փոխանցում է «Կոմերսանտը»:
Չաթերը կարելի բաժանել թեմաների, կախված ընտրած կարգավորումներից՝ օգտատերը կարող է ստանալ միայն իրեն հետաքրքրող հաղորդագրությունները: Միաժամանակ, չաթում այլ թեմաներով զրույցներից կարելի է ազատվել:
Հավելվածում հասանելի կլինի լուսանկարներ եւ տեսանյութեր ուղարկելու գործառույթը, որոնք կպահպանվեն առանձին տեղում: Այսպիսով չաթի մասնակիցն անհրաժեշտ ֆայլը գտնելու համար հաղորդագրությունները թերթելու կարիք չի ունենա: Մեսենջերի եւս մեկ գործառույթն է ընդհանուր օրացույցը՝ խմբի մասնակիցները նշանակված ժամին հիշեցում կստանան մոտակա իրադարձության մասին:
