Քաղցրահամ ջրերում ապրող կարմրականջ երկգլխանի կրիան զարմացրել է Չինաստանի հարավարեւելյան հատվածի բնակիչներին: Անսովոր երկկենցաղը ընդամենը 3 ամիս առաջ է լույս աշխարհ եկել եւ ներկա պահին ապրում է Ցզյանսին նահանգի Շանժաո քաղաքում, հաղորդում է Daily Mail-ը:
Փորձագետների խոսքով կենդանուն չի կարելի վայրի բնության մեջ թողնել, քանի որ այն դժվար թե ողջ մնա եւ կարող է թերությունն այլ կրիաներին փոխանցել: Մուտացիան հավանաբար առաջացել է գենետիկ մակարդակում եւ կարող էր առաջանալ վատ շրջակա միջավայրի գործոնների պատճառով:
Այս կրիան, ամենայն հավանականությամբ, այդքան երկար չի ապրի, ինչպես նրա «սովորական» ցեղակիցները: Տեսակի սովորական ներկայացուցիչները կարող են վայրի բնության մեջ մինչեւ 30 տարի ապրել: Այս տեսակն ապրում է ԱՄՆ-ի հարավային եւ Մեքսիկայի հյուսիսային մասում եւ սովորաբար աշխարհի տարբեր մասերում պահվում է որպես ընտանի կենդանի:
