ԱՄՆ նախագահ Դոնալդ Թրամփը, խոսելով սպանություններին եւ թունավորումներին Ռուսաստանի նախագահ Վլադիմիր Պուտինի հնարավոր առնչության մասին, ուղիղ մեղադրանքներ չի հնչեցրել իր ռուս գործընկերոջ հասցեին։ Այս մասին լրագրողներին հայտնել է երկրի ղեկավարի մամուլի քարտուղար Դմիտրի Պեսկովը։ Նրա խոսքերով՝ Ռուսաստանի նախագահի դեմ չի կարող լինել ապացույցներով ամրապնդված մեղադրանք։
«Ես չէի ցանկանա գնահատական տալ «Թրամփը հնարավոր է համարել» եւ այլ արտահայտություններին, ինչպես կարդում ենք շատ ԶԼՄ-ներում։ Այստեղ, հավանաբար, լեզվաբանական առանձնահատկություններին ճկունությամբ է պետք վերաբերվել»,- «Կոմերսանտ FM»-ին պատասխանել է Պեսկովը։
Կրեմլի ներկայացուցիչն ընդգծել է, որ Ռուսաստանը «այդ մեղադրանքների հետ չի ունեցել, չունի եւ չի կարող որեւէ ընդհանուր բան ունենալ»։
Հիշեցնենք, որ այն հարցին, թե համարում է արդյոք ինքը, որ Պուտինը մասնակից է սպանություններին, թունավորումներին, Թրամփը պատասխանել էր՝ հավանաբար այո։