Ի դեմս Ադրբեջանի նախագահ Իլհամ Ալիեւի ադրբեջանական կողմի արտահայտած ակնկալիքները՝ Հայաստանում Նիկոլ Փաշինյանի իշխանության գալով Լեռնային Ղարաբաղի տարածքից հայկական ուժերի դուրսբերման մասին, չարդարացան, Բաքուն հիասթափություն ապրեց: Այս մասին հոկտեմբերի 16-ին լրագրողներին ասաց Հայաստանի առաջին օմբուդսմեն Լարիսա Ալավերդյանը:
Նրա համոզմամբ՝ այս համատեքստում Ալիեւը ստիպված կլինի ոչ մեկ անգամ հիասթափվել: «Ֆալստարտն ակնհայտ էր, իսկ Ղարաբաղի հարցում Ալիեւի ակնկյալիքները հերթական անգամ չիրականացան»,- պարզաբանեց Ալավերդյանը:
Առաջին օմբուդսմենի կարծիքով՝ ղարաբաղյան խնդրի լուծումը կախված է ոչ այնքան Նիկոլ Փաշինյանից կամ ցանկացած այլ քաղաքական գործչից, որքան այն սկզբունքներից, որոնք արդեն ընդունել են հակամարտության կողմերը եւ ԵԱՀԿ Մինսկի խմբի համանախագահները: Նրա խոսքով՝ ղարաբաղյան խնդրի կարգավորման հարցում կան հիմնական սկզբունքներ, եւ այս հակամարտությունը հնարավոր է լուծել միայն այդ շրջանակում: «Սակայն Ղարաբաղի խնդիրն արդեն լուծվել է, եւ այն լուծվել է միջազգային նորմերի շրջանակում: Այն լուծվել է հաշվի առնելով մարդկանց անվտանգության ապահովումը»,- շեշտեց Լարիսա Ալավերդյանը: