Երեւանում քիչ առաջ արտակարգ դեպք է տեղի ունեցել. ոստիկանության Երեւան քաղաքի վարչության օպերատիվ կառավարման կենտրոն Երեւանի 1-03 շտապօգնության կայանից ահազանգ է ստացվել, որ բժիշկների հերթապահ խումբը կանչով մեկնել է Կենտրոն վարչական շրջանի Աբովյան 26 շենքի բնակարններից մեկը, որտեղ հայտնաբերել է տղամարդու դի:
Shamshyan.com-ի փոխանցմամբ, ոստիկաններն ու քննիչները բնակարանում հայտնաբերել են նույն տան բնակիչ, 55-ամյա Իգոր Գուդկովի դին:
Դատաբժշկի նախնական եզրակացության համաձայն՝ դիակի վրա կան վնասվածքի հետքեր: Փաստի առթիվ հարուցվել է քրեական գործ եւ նշանակվել մի շարք փորձաքննություններ, այդ թվում՝ դիակի դատաբժշկական:
