Ֆրանսիայի նախագահ Էմանուել Մակրոնը ԱՄՆ նախագահ Դոնալդ Թրամփի հետ հեռախոսազրույցի ժամանակ անդրադարձել է Միջին եւ փոքր հեռավորության հրթիռների ոչնչացման մասին պայմանագրի թեմային, հաղորդում է Ելիսեյան պալատը, փոխանցում է RT–ն։
«Նախագահը շեշտել է այս պայմանագրի կարեւորությունը, հատկապես այն առումով, որ վերաբերում է եվրոպական անվտանգությանն ու մեր ռազմավարական կայունությանը»,–փոխանցում է Le Figaro–ն հաղորդագրության տեքստը։
Ավելի վաղ Թրամը հայտարարել էր, որ ԱՄՆ-ն դուրս է գալու ՄՓՀՀՊ–ից: Նա այդ որոշումը բացատրել է նրանով, որ Ռուսաստանը, իբր, չի կատարում պայմանագրի պայմանները:
