Մեկ շաբաթ առաջ այս նիստերի դահլիճում Ընտրական օրենսգրքի համար առաջարկված բարեփոխումները արդեն անփառունակ ձախողվել: Հոկտեմբերի 29-ին Ազգային ժողովի արտահերթ նիստում Ընտրական օրենսգրքի բարեփոխումների փաթեթի քննարկման ժամանակ ասաց ՀՀԿ փոխնախագահ, ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը:
Նրա խոսքով, սակայն, գործող իշխանությունը տապալված Ընտրական օրենսգիրքը խորհրդարանի քննարկմանը վերադարձնելու միջոց գտավ:
«Վարչապետը հավանաբար այժմ նստած է հեռուստացույցի էկրանի մոտ եւ կարծում է, որ ինքը Հուլիոս Կեսարն է, իսկ Հայաստանի Հանրապետական կուսակցությունը, ՀՅԴ-ն, ինչպես նաեւ «Ծառուկյան» եւ «Ելք» դաշինքները գալլական ցեղեր են, որոնք այժմ իրար կուտեն: Նա էլ դրա շնորհիվ կընդլայնի իր կայսրությունը: Սակայն նման բան չի լինի, պարոն վարչապետ», - հեգնանքով ասաց Աշոտյանը:
Ըստ պատգամավորի, հետագա անհաջողության համար քաղաքական պատասխանատավություն է կրում բացառապես վարչապետ Նիկոլ Փաշինյանը, անկախ նրանից, թե որքան պատգամավոր նրան կհաջողվի մոբիլիզացնել այսօրվա քվեարկության համար, քանի որ քաղաքական կոնսենսուս որպես այդպիսին չկա:
Ընդ որում ՀՀԿ փոխնախագահը կոչ արեց հակառակ կարծիքի գոյությունը եւ քաղաքական պլյուրալիզմը չշփոթել սաբոտաժի հետ, քանի որ խոսքն ընդամենը դիրքորոշման ներկայացման մասին է:
«Եվրոպայի խորհրդի որեւէ անդամ պետությունում Ընտրական օրենսգիրքը չի փոխվում ընտրություններից 42 օր առաջ: Հայաստանը, ամենայն հավանականությամբ, կդառնա Եվրոպայի խորհրդի առաջին պետությունը, որը որոշել է ընտրություններից 42 օր առաջ փոխել Ընտրական օրենսգիրքը», - ասաց Արմեն Աշոտյանը:
Հիշեցնենք, որ հոկտեմբերի 29-ին Հայաստանի Ազգային ժողովը հերթական անգամ չընդունեց Ընտրական օրենսգրքի բարեփոխման նախագիծը: Կողմ քվեարկեց 62 պատգամավոր, դեմ՝ 2: Օրենքում փոփոխություններ կատարելու համար, որը սահմանադրական է, անհրաժեշտ էր ձայների 3/5-ը` 63 ձայն: