Լեռնային Ղարաբաղի իրավիճակի կարգավորման շուրջ չի հաջողվի լուրջ համաձայնության գալ, քանի դեռ Հայաստանում իրավիճակը չի կայունացել, կարծում է ՌԴ արտգործնախարար Սերգեյ Լավրովը, գրում է «ՌԻԱ Նովոստին»:
«Համաձայնությունը, որը ձեռք էր բերվել (Դուշանբեում Հայաստանի վարչապետի պաշտոնակատարի եւ Ադրբեջանի նախագահի միջեւ-խմբ.) կայանում էր նրանում, որ շփումները պետք է շարունակել, որ արտգործնախարարները հանդիպելու են եւ, որ Հայաստանը եւ Ադրբեջանն, իհարկե, պատրաստ են աշխատեկ ԵԱՀԿ Մինսկի խմբի համանախագահների հետ: Մենք ողջունում ենք նման պայմանավորվածությունը», — Մոսկվայում ասուլիսին ասել է Լավրովը:
«Հասկանում ենք, որ մինչեւ ներքաղաքական գործընթացները չավարտվեն՝ բավական բուռն, որոնք մենք այժմ տեսնում ենք, հազիվ թե հնարավոր լինի այս ճգնաժամից դուրս գալու կոնկրետ ուղիները լրջորեն քննարկել եւ Լեռնային Ղարաբաղի լիարժեք կարգավորումն ապահովել»,-հավելել է նա:
