Ցանկացած ուժ, որ մասնակցում է ընտրություններին մեզ համար մրցակից է, բոլորին էլ պետք է լուրջ վերաբերվել: Այս մասին, այսօր՝ նոյեմբերի 12-ին, լրագրողների հետ զրույցում նշել է ԿԳ նախարարի պաշտոնակատար Արայիկ Հարությունյանը՝ անդրադառնալով դիտարկմանը, որ ՀՀԿ-ն հայտարարում է, որ կա երկու բեւեռ եւ ընտրողի համար կա երկու տարբերակ՝ ընտրել կամ ՔՊ-ին, կամ ՀՀԿ-ին:
Նա անդրադարձավ նաեւ դպրոցներում հնարավոր քարոզչությանը՝ նշելով. «Ես Երեւանի եւ մարզպետարանների կրթության վարչությունների պետերի հետ հանդիպել եմ եւ հերթական ցուցումն է եղել, որ մենք դպրոցին քարոզրչությունից զերծ պահենք: Կարծում եմ՝ նախորդ ՏԻՄ ընտրություններին մենք այդ հարցը լուծել ենք»:
