Երբեմն հետազոտողների գիտական հետազոտությունները մարդկությանը կարող են ավելի մեծ չափով վնասել, քան օգնել: Խոսքը հիմա նույնիսկ այն հետազոտողների մասին չէ, որոնք կեղծել են իրենց աշխատանքի արդյունքները: Միացյալ Նահանգներից համակարգչային հանճարները նեյրոցանցին սովորեցրել են կեղծել եւ գեներացնել մատնահետքերը, փոխանցում է Planet Today-ը:
Հետազոտողներն իրենց գիտական աշխատությունները շտապել են հանրությանը տրամադրել՝ դրանք ներկայացնելով Լոս Անջելեսում ընթացող անվտանգության հարցերով համաժողովում: Նրանք իրենց զավակին ներկայացրել են աշխատելիս: Նեյրոցանցը նախ զբաղվում է տվյալների բազայի մանրակրկիտ ուսումնասիրությամբ, այնուհետեւ սկսում է գեներացնել իրեն անհրաժեշտ մատնահետքը:
Այսինքն՝ ըստ էության, համակարգչի միջոցով կարելի է վերստեղծել այնպիսի մատնահետք, որը կարող է գրեթե նման լինել իրական նախատիպին: Նման բանը հնարավոր է դարձել 2 չափանիշների շնորհիվ: Առաջին՝ մատնահետքերի առանձին ռելիեֆներ հաճախ կրկնվում են, ինչ նեղացնում է որոնման եւ գեներացիայի շրջանակը: Երկրորդ՝ տվյալների ստուգումը կատարվում է ոչ ամբողջ մակերեւույթով, ինչը բերում է «կեղծիքի» ստեղծման ավելի մեծ հավանականության:
Գիտնականները վստահ են, որ իրենց ստեղծածին նման տեխնոլոգիան ապագայում կարող է շատ օգտակար լինել հանցագործների համար: Իսկ սա նշանակում է, որ պաշտպանության բոլոր ներկայիս համակարգերը, որոնք տեղադրվում են ժամանակակից գաջեթների վրա, վերջնարդյունքում կդառնան բացարձակապես ոչ արդյունավետ: