Հայաստանի իշխող կոալիցիայում ընդգրկված քաղաքական ուժերը (ՀՀԿ, ԲՀԿ, ՕԵԿ) փետրվարի 17-ին, օրվա երկրորդ կեսին կստորագրեն համագործակցության նոր հուշագիրը: Այս մասին NEWS.am-ի թղթակցի հետ զրույցում ասել է ՀՀԿ մամուլի քարտուղար Էդուարդ Շարմազանովը:
Նա նաեւ հայտնել է, որ այսօր՝ փետրվարի 16-ի երեկոյան կայացել է ՀՀԿ քաղխորհրդի նիստը, որի ժամանակ ներկայացվել է հուշագրի տեքստը: Այն հավանության է արժանացել կուսակցության քաղխորհրդում:
Հարցին, թե ԲՀԿ-ն, ի վերջո, տվե՞լ է իր համաձայնությունը նոր հուշագրին միանալու հարցում, Շարմազանովը դրական պատասխան է տվել: Միաժամանակ, նա չի ներկայացրել նոր հուշագրի էությունը:
Ավելի վաղ NEWS.am-ը հայտնել էր, որ Հանրապետական կուսակցությանը մոտ կանգնած աղբյուրներից հայտնի է դարձել, որ իշխող կոալիցիան պատրաստվում է համագործակցության մասին նոր փաստաթուղթ ստորագրել: